Paĝoj en Esperanto

Kvakeroj en Norvegio

La kvakeraj kunvenoj en Stavanger datiĝas de 1818, en Oslo de 1946 kaj en Kristiansand de 1975.

La Societo de Amikoj (norvege: Kvekersamfunnet) estis formale agnoskita kiel memstara eklezio en 1845. Hodiaŭ estas ĉ 150 membroj, inkl. infanojn. Estas lokaj sekcioj (t.n. monatkunvenoj) en Stavanger, Oslo kaj Kristiansand.

Silentaj diservoj okazas ĉiudimanĉe en Stavanger kaj Oslo, en Kristiansand/ Mandal ĉiun duan dimanĉon kaj en Bergen unu fojon monate. Vidu «Kontaktinformoj».

Oni eldonas periodaĵon Kvekeren 4 fojojn jare; ekde n-ro 1/2017 kun po 24 paĝoj en formato 17 x 24 cm.

La organizo Kvekerhjelp mastrumas help- kaj evoluprojektojn i.a. en Palestino kaj en Orienta Afriko kun subteno de la norvega instituto por evoluhelpo, NORAD, kaj de la Ministerio pri ekstero.

Konferenco pri universalismo
En septembro 2004 okazis en Oslo nordia konferenco pri kvakera universalismo. Partoprenis ĉ 30 norvegaj kvakeroj, 5 svedaj kaj 2 danaj.

Konferenco pri Kristo en la kvakera kredo
Fine de septembro 2005 okazis en Oslo norvega konferenco tiutema.

En Esperanto kontaktu: Retpoŝte douglas.esperanto [a] gmail.com